Nachtwächter
Programme
Der Nachtwächter-Rundgang op Platt
Kaamt Se mit us op een Tiedreis dör Bremen as dat fröher mal ween is.
Wenn de braven Börgerslüe slapt, geiht de Nachtwächter op siene Runnen dör de düster Stadt. Gaht Se mit us eensam dör de Nacht striekenden Nachtwächter! Man weest Se vörsichtig:
Verleern Se nich den Ansluss an Se ehr Trupp. Anners kunn dat licht passeern, dat Se sick för een Verbreken verdächtig maakt or dat Se een Opfer vun een vandag unbekannte Gefahr warrd. Un wenn wi Se an´t Enn vun de Rundgang wedder in Se ehr Tied entlaten, sünd Se nich blots in “historische Verfehlungen“ inweiht worrn, sünnern ok in de verleden Geschicht vun us ole Hansestadt Bremen!
De Rundgang fangt bi de Stadtmuskanten an un föhrt us to´n Dom, över den Marktplatz, dör de Böttcherstraat, an de Schlachte vörbi bit in´n Snoor!
